Dening : chahyo
Pamulat tumungkul ing bantala
Esem kasidhem lingsem yenta kapyarsa
Jiguh pekewuh nyandhet ilining pangrasa
Datan kinawruhan ubaling dahana
Mubal mubal kasingitake ing telenging
nala
Pancen sira sarwa ngewuhake
Kadya ayang ayang kanyatane
Den caketi ngadoh den dohi malah
ngetutake
Sun jarake sira meneng wae
Pindha lebu kabuncang bayu
Sira tansah lumayu
Tan ana kalodhanganing wektu
Kanggo nyaket mrang sliramu
Lan amiyak warana jroning kalbu
Supaya mangerteni jatining rasa satuhu
Kotagede , Maret - 2012
Tidak ada komentar:
Posting Komentar